Blog dos Bancos de Tempo da Costa da Morte

Coñece que son os Bancos de Tempo e que poden facer por ti!

Vimianzo

 

Estatísticas e conclusións finais do Banco de Tempo de Vimianzo


A continuación mostramos un documento no que se recollen os resultados acadados despois da aplicación, durante nove meses, da medida de conciliación Banco Municipal de Tempo do Concello de Vimianzo.

Documento resumo

Gracias a todos e todas pola vosa colaboración!!!

LAURA CASTIÑEIRA VILARIÑO
Axente de Tempo do Concello de Vimianzo
 
 
 

Último día do Taller de Artesanía Textil


Nota de Prensa: Remata o Obradoiro de Artesanía Téxtil


Onte, luns 22 de Xuño, remataron as actividades do Taller de Artesanía Téxtil que estaba a levar a cabo o Banco de Tempo do Concello de Vimianzo. As actividades desenvolvéronse en horario de tarde durante 5 semanas no Edificio de Servicios Múltiples de “A Torre”.


A modo de recordatorio decir que este Obradoiro foi impartido polas propias usuarias do Banco que debían horas e ofrecéronse, cada unha delas, a transmitir os seus coñecementos nunha materia relacionada co eido do téxtil. E xuntándoas todas obtivemos un conxunto de actividades bastante interesante e que chamaría a atención de novas usuarias. Como podemos observar estamos seguindo en todo momento a metodoloxía de funcionamento dos Bancos de Tempo, dar e recibir.


Se facemos un baremo a modo de resume decir que a participación foi boa, ó igual cas demais actividades que se fixeron, houbo un total de 21 persoas sen contar as 5 maestras. Algunhas das participantes xa viñeran a outras actividades pero tamen houbo novas adhesións. Facer mención o número de horas intercambiadas, que foi de 45 hrs., sendo este taller a actividade na que máis horas se intercambiaron.

A continuación vexamos as fotos dos últimos días:


VAINICA E CALCETA
Nesta foto vemos as últimas leccións de Flora as súas alumnas de vainica

PUNTO DE CRUZ
Vemos a Charo a mestra de punto de cruz axudando a facer un mantel que empezou a filla dunha das usuarias.


MOSTRAS
Estas catro fotos recollen mostras feitas polas usuarias de Vainica, calceta e punto de cruz

GANCHILLO

Nestas duas fotos vemos a Manuela ensinando os seus traballos feitos en ganchillo para dar ideas as suas alumnas do útil que pode ser.

COSTURA
Nestas fotos vemos a Paquita a mestra de costura cas súas alumnas dandolle tamen as última nocións.

PALILLO
Nestas fotos vemos a Lourdes a mestra de palillo coa súa única alumna Carlota, podemos decir que o palillo foi mas ben un intercambio individual.

E así remata o Taller de Artesanía Textil con ganas de que se que se volva a repetir tanto por parte das alumnas como das mestras e por suposto por parte da axente de tempo.



Agradecer a tódolas participantes, alumnas e mestras, pola súa colaboración e as ganas que lle puxeron a compartir os seus coñecementos.






 
 
 

Continua o Obradoiro de Artesanía Téxtil


Grandes avances na aprendizaxe das alumnas do Taller de Artesanía Téxtil


Pouco a pouco van avanzando as xornadas do Obradoiro de Artesanía Téxtil do Banco de Tempo de Vimianzo, para ir achegándonos ó remate do mesmo, para desgusto das participantes.


Como novidades destacar que tódalas alumnas fixeron uns progresos excelentes e xa teñen un dominio total de cada unha das actividades ou actividade que escolleron. No que respecta as mestras tamén están moi contentas coas súas alumnas xa que prestan moita atención e teñen un gran entusiasmo por aprender e progresar.


No que respecta a vainica xa impartiron as ensinanzas dos puntos básicos e despois dos progresos acadados comezaron con puntos máis complexos. No caso da calceta ocorreu o mesmo.



Aqui vemos a mestra de vainica ensinando as súas alumnas os novos puntos que elas mesmas lle pediron.


Nesta outra imaxe temos o grupo de vainica e calceta traballando na súa labor e tamen podemos ver a mestra de punto de cruz que se uniu a estas actividades.

Outra das actividades, o ganchillo, segue a mesma liña cas demais con grandes progresos por parte das alumnas e con unha gran satisfacción por parte da mestra pola capacidade de aprendizaxe das súas pupilas.



Aqui podemos ver as participantes do grupo de ganchillo acompañadas da súa mestra, Manuela, ensinando unhas mostras que lles trouxo para dar ideas.

A mestra de punto de cruz, como non recibira ningunha hora do Banco de Tempo para impartir este Taller, decidiu anotarse para aprender vainica xa que está era a única actividade das impartidas neste obradoiro nas que non tiñas coñecementos.


Na costura aprenderon a coser un botón, unha cremallera, subir os baixos dun pantalón ou dunha falda asi como dar unhas puntadas soltas para manexar ben a agulla. Unha vez feito todo esto, e dado que unha das usuarias queria aprender a manexar unha máquina de coser que tiña na casa, decidiu traela para que a empregasen tódalas asistentes e asi puidesen facer máis cousas.


Nesta foto vemos a Paquita ensinando a coser un botón

E aqui temos a máquina que trouxo unha das usuarias

Por último, as ensinanzas de palillo podémolas considerar case que como un intercambio individual xa que a mestra, Lourdes, só conta cunha alumna a cal xa tiña unhas nocións básicas da materia e agora está facendo un perfeccionamento.


Estes días, próximos a despedida das usuarias, nótanse conversas entre elas que fan referencia a posibilidade de que se lle dea continuidade ó taller, para acadar un grao de perfeccionamento dos seus coñecementos. Dende o equipo de xestión do Banco de Tempo deixan esta posibilidade aberta e nas mans das mestras que serán as que teñan a última palabra.


 
 
 

Taller de Artesania Textil de Vimianzo


Primeira Semana do Taller de Artesanía Textil

O pasado mércores 20 de Maio comezou o programa de actividades do Taller de Artesanía Téxtil que se está a levar a cabo no Edificio de Servicios Múltiples de “A Torre” en horario de tarde.


A primeira actividade foi a de ganchillo, comezou ese mesmo día as 18:00 h e tivo unha duración de unha hora e media. A mestra encargada desta actividade é Manuela Rodríguez Diéguez, usuaria do Banco de Tempo dende o pasado mes de Abril. Recibiu a resolución de dúbidas puntuais en informática durante o citado mes e a cambio vai compartir coas demais usuarias os seus grandes coñecementos de ganchillo.



Aqui podemos ver a Manuela a nosa mestra de ganchillo ensinando unhas mostras de traballos feitos por ela para dar ideas entre as súas alumnas.


A segunda actividade foi costura, comezou o venres 22 de Maio as 18:00 h e tivo unha duración dunha hora e media aproximadamente. Neste caso a mestra encargada é Francisca Antelo Pazos, costureira de profesión de toda a vida e tamén a primeira usuaria que tivo o Banco de Tempo. Ó igual que Manuela recibiu unhas horas de resolución de dúbidas de informática e a cambio vai transmitir os seus amplos coñecementos no eido da confección.


Nesta foto vemonos en a Francisca a nosa mestra de costura (a primeira da chaqueta vermella) ensinando a dar unhas costuras na máquina as súas alumnas.

Esta semana, máis en concreto o pasado luns 25 de Maio, comezaron as demais actividades: calceta, vainica e punto de cruz. A vainica e a calceta tiveron lugar simultaneamente a partir das 17:00 h xa que son impartidas pola mesma mestra, Flora Matilde Barreiro Domínguez, a usuaria de maior idade do Banco de Tempo e tamén unha das primeiras en adherirse a este proxecto, fíxoo xa no mes de Xaneiro e o igual cas anteriores mestras recibiu unhas nocións de informática básica e a cambio vainos transmitir a súa sabedoría neste antigas labores de artesanía.


Na seguinte foto vemos as alumnas de calceta e vainica, van xuntas porque a mestra é a mesma, tamen aparece na foto é a señora de verde.

A mestra de calceta, Flora, tamen trouxo mostras, para dar ideas as alumnas tanto de vainica como de calceta.

No referente o punto de cruz, nun principio, tíñamos pensado que se realizara ó rematar calceta e vainica pero como as usuarias deste taller son moitas das que acudiron os anteriores e xa hai lazos de amizade entre elas decidiron seguir todas xuntas, cada unha coa súa labor.


A mestra encargada de impartir as ensinanzas de punto de cruz é Rosario García Vilavedra, é a última das usuarias que se anotou para participar desta medida. A historia de Rosario é moi peculiar xa que, nun primeiro momento, as actividades de punto de cruz non se ían levar a cabo porque a usuaria encargada das ensinanzas non podía asistir por motivos laborais.


Cando as usuarias do banco de tempo, interesadas nesta actividade, coñeceron a noticia de que se suspendía o punto de cruz puxéronse mans a obra para atopar unha mestra. Foron elas mesmas as que lle explicaron a Rosario en que consistían os talleres e todo o relacionado coa metodoloxía de funcionamento dos Bancos de Tempo. Para finalmente poñe-la en contacto coa axente de tempo.



Nesta foto vémonas a todas atareadas e no fondo esta Charo a mestra de punto de cruz (a do xersei rosa)


Como podedes ver estaban todas atarefadas cada unha coa súa labor

Outra foto mas para que vexades todo o que traballaron e aprenderon o mesmo tempo

Para min como axente de tempo este feito é un gran paso xa que demostra que a veciñanza do noso Concello estase concienciando de como realmente funciona esta medida é do boa que pode ser para todos e todas.


E por último esta foto na que estan todas as alumnas de punto de cruz, vainica e calceta acompañadas das respectivas mestras.














 
 
 

Obradorio de Artesania Textil





O Equipo de Xestión do Banco de Tempo do Concello de Vimianzo está ultimando os preparativos para poñer en marcha un Obradoiro de Artesanía Textil , seguindo a metodoloxía de funcionamento de dita medida.


Neste Taller impartiranse ensinanzas básicas de oficios que se engloban dentro do eido textil e que normalmente eran os que desempeñaban as nosas nais e avoas nun pasado moi recente. Deste xeito queremos acadar un dos obxectivos que se plantexou inicialmente: transmitir a sabedoría popular para que determinadas actividades ou oficios non queden no esquecemento.


O Taller desenrolarase de luns, mércores e venres en horario de tarde e cada día teremos unha actividade diferente e unha mestra diferente, todas elas usuarias do Banco de Tempo, a duración será de tres días a semanas dende o 20 de Maio ata ó 22 de Xuño . As actividades que trataremos son as seguintes:

  • Calceta.
  • Vainica.
  • Ganchillo.
  • Costura.
  • Palillo.
  • Punto de Cruz.

A axente de tempo do Concello plantexa a posibilidade de que nos apuntemos a tódalas actividades ou solamente a aquelas ou aquela na que teñamos un interese por aprender uns coñecementos iniciais.


Lembrar a todos e todas os interesados e as interesadas que é totalmente gratuito. A única moeda de pago por asistir a este Taller será o tempo, é dicir, teremos que devolver as horas que recibamos en horas do noso tempo, para así seguir a metodoloxía de funcionamento dos Banco de Tempo.


Para participar no obradoiro cada persoa que veña deberá traer o material necesario para a actividade ou as actividades que escollese, que será indicado de antemán pola axente de tempo.


As inscricións poden realizarse nas oficinas do Concello no Servicio de Emprego e Desenvolvemento Local, no telecentro (o mércores pola tarde) ou no número de teléfono 981.716.001, onde ser preguntará por Laura Castiñeira Vilariño axente de tempo do Concello. A data límite para anotarse será o día 20 de maio.







 
 
 

Primeira Xuntanza de Usuarias do Banco de Tempo de Vimianzo


O pasado venres, 24 de abril, tivo lugar a primeira reunión de usuarias participantes da medida do Banco de Tempo do Concello de Vimianzo. A iniciativa de realizar esta xuntanza partiu das propias usuarias xa que entre elas existe unha grande amizade.


En vez de ser unha reunión das convencionais nas que nos sentamos a compartir as nosas ideas nunha sala, decantáronse por desplazarse a unha coñecida casa de comidas da capital do Concello, Casa Sabina, para degustar unha cea.


Ó mesmo tempo desenvolveron unha animada conversa comentando as experiencias vividas nos obradoiros do Banco de Tempo, ós que asistiran, e tamen de futuras actividades que se poderían levar a cabo. Deste xeito a axente de tempo serviulle para coñecer as súas necesidades e evalualas para desenvolver novas iniciativas seguindo a metodoloxía do intercambio de tempo.


O número de asistentes foi bastante elevado ainda que se notaron algunha que outra ausencia que por motivos personais e laborais non lle foi posible achegarse nese horario, ainda así o número de comensais foi de 25 persoas. Entre as cales destacar a presencia de Rosa Sánchez, xefa do Servizo de Emprego e Desenvolvemento Local do Concello e membro do equipo de xestión do Banco de Tempo.


Unha curiosidade que cabe destacar desta xuntanza é que unha das usuarias do Banco de Tempo traballa de cociñeira nese restaurante e para a cea elaborou uns postres que aprendeu no Obradoiro de Cociña, como podemos ver esta medida, tan descoñecida o principio, está a servir para enriquecer a moitas persoas.



A continuación podemos observar unha serie de fotografias que demostran o ben que se desenrolou a xuntanza:


Nesta foto vemos a algunhas das usuarias do Banco de Tempo que participaron na 1ª Xuntanza de Usuarias, acompañadas de Rosa Sánchez, Xefa do Servicio de Emprego e Desenvolvemento Local do Concello, e de Laura Castiñeira, Axente de Tempo do Concello.



Nesta foto podemos ver a algunhas das usuarias participantes do obradoiro de cociña e de estética acompañadas de Belen a mestra do obradoiro de estética






Na seguinte foto aparece a axente de tempo con outra das usuarias do Obradoiro de cociña.



Volvemos a ver a Belen con outras duas usuarias






 
 
 

Remata o Obradoiro de Estética do Banco de Tempo de Vimianzo



Onte, luns 13 de abril, o Concello de Vimianzo puxo punto e final o Obradoiro de Estética que organizou o Banco de Tempo. Esta xornada, a diferencia das anteriores, tivo lugar na perruqueria da mestra, Belén Calo, situada no lugar de Padreiro (Baíñas), a cita foi as 21 hrs. Para facer a clausura do curso contamos coa presencia de Manuel Rodríguez Blanco, Conselleiro de Obras e natural da mesma parroquia.



As usuarias do Obradoiro decidiron desplazarse ata alí despois da proposición que lles fixera Belén para facer un cambio de imaxe a algunhas delas, e claro, necesitaba varios utensilios de perruqueria que non era posible desplazar ata o Edificio de Servicios Múltiples de “A Torre”, lugar onde se celebraron as 3 sesións anteriores.



Os resultados foron excelentes, como non, as tres usuarias que fixeron o cambio de imaxe estaban guapísimas e aínda parece que lle sacou anos de enriba e todo. A parte disto, se facemos un balance final deste taller cabe decir que tódolos trucos que lles ensinou a mestra vanlle servir para sacarlle un mellor partido a súa imaxe personal, obxectivo que inicialmente se pretendia acadar. Cabe destacar o bo ambiente que se disfrutou en todo momento e a amizade que está a espertar entre as usuarias do Banco.



Aproveitando a ocasión recordar que o receitario que se elaborou como resultado do Obradoiro de Cociña xa está editado e entregouse a varios usuarios e usuarias do Banco de Tempo. Como algunhas das participantes acudiron os dous Obradoiros a axente de tempo fixo entrega dos mesmos na última sesión de estética.





A axente de tempo fixo entrega dos receitarios a duas das usuarias do Banco de Tempo Pilar e Magdalena, que participaron en ambos Obradoiros.



Nesta foto aparece Carmen unhas das usuarias as que se lle fixo un cambio de imaxe



Na seguinte foto vemos a Pura a outra das participantes as que se lle fixo tamen un cambio de imaxe.



Nesta foto vemos a Manuel Rodríguez, Conselleiro de Obras, rodeado por Lorena Cernadas e Laura Castiñeira.



Aqui podemos ver unha composición de fotos na que se aprecia mellor os cambios de imaxe que fixo a nosa mestra Belen.


E na última foto vemos a tódolos usuarios e usuarias que participaron na última xornada o Obradoiro de Estética acompañados de Manuel Rodríguez.


E con todo isto remata o Obradoiro de Estética, con moita ilusión polos vindeiros proxectos que se presenten dentro da medida dos Bancos de Tempo do Concello de Vimianzo e polo bo traballo realizado pola nosa mestra Belen!!!!

Gracias por todo e pola túa profesionalidade!!!

 
 
 

Terceira Xornada do Obradoiro de Estética do BdT de Vimianzo



Onte, luns 6 de Abril, tivo lugar a terceira xornada do Obradoiro de Estética que está a levar a cabo o Banco de Tempo do Concello de Vimianzo no Edificio de Servicios Múltiples de “A Torre”, esta sesión estivo adicada a manicura e a pedicura.



A nosa mestra, Belén Calo, despois das peticións de varias participantes do Obradoiro de aprender a darlle un axeitado coidado as mans, decidiu ensinar a facer as distintas técnicas de manicura e explicar como se empregan os diversos aparellos que existen para ter unhas mans perfectas. Como a manicura vai moi unida a pedicura pois tamén se escolleu outra voluntaria para facer o mesmo pero nos pes.



Os resultados foron moi bos e as usuarias do Banco de Tempo marcharon contentísimas con todo o aprendido ainda que pola contra algo tristes porque para a semana que ven xa é a última sesión do Obradoiro.



E falando da semana que ven, como o desenvolvemento desta actividade foi mellor do que pensabamos e o tempo tamén axudou, a vindeira xornada desplazarémonos a Padreiro (na parroquia de Baíñas) donde ten Belen a perruqueria, para que algunhas das participantes reciban consellos personalizados, como se fose un cambio de imaxe. Foi unha idea brillante proposta pola nosa mestra e seguramente teña moito éxito o igual que o resto das proposicións que nos fixo neste obradoiro, non deixa de sorprendernos.






Todas atentas as explicacións de Belén



A primeira manicura fixolla a Jenny, unha das nosas usuarias máis xovenciñas


E Lourdes marchou toda contenta porque nunca fixera a manicura francesa e Belen deixoulla perfecta


Carmen Oanes foi a voluntaria escollida, previa solicitude sua, para a pedicura e claro está primeiro hai que poñer os pes a remollo


E aqui temos os resultados da pedicura tamen con francesa


E das durezas nin rastro

MOI BEN BELEN CADA DÍA NOS SORPRENDES MAIS!!!!!
ERES TODA UNHA PROFESIONAL!!!!


 
 
 

SEGUNDA SESIÓN DO OBRADOIRO DE ESTÉTICA DO BANCO DE TEMPO DE VIMIANZO




O pasado luns 30 de Marzo impartiuse a segunda xornada do Obradoiro de Estética do Banco de Tempo do Concello de Vimianzo, no Edificio de Servicios Múltiples de “A Torre”, as 21:00 hrs. Cunha duración de 2 horas aproximadamente e coa asistencia de tódalas participantes.



Nesta segunda sesión a mestra, Belén Calo, rematou as explicacións de maquillaxe. Facendo unha demostración de como se faría unha maquillaxe de día, moi sinxela, xa que para o día a día non é necesario empregar moitos productos simplemente cuns pequenos retoques nas imperfeccións chegaria.



A continuación, comenzou cuns trucos de peiteados, todos eles fáciles e rápidos de facer, e que calquera das presentes poderia elaborar na súa casa cun pouquiño de aplicación e práctica das leccións que lles dou a mestra. Os trucos foron para todo tipo de cabelos: largos, cortos, medias melenas, lisos, rizos e ondulados, xa que entre as participantes tivemos a sorte de ter unha mostra de cada un deles.



Ademáis respondeu a algunha das preguntas que lle formularon as usuarias despois de que a semana pasada, Belén, lles dixeran que foran pensando dúbidas ou curiosidades que tivesen do mundo da estética.



Para a vindeira semana ten previsto rematar os trucos de perruqueria; comenzar cas explicacións de manicura e pedicura e dar algun que outro consello personalizado a imaxe das súas alumnas.





Nesta foto aparece, María, unha das usuarias do Banco de Tempo rodeada por Belén a nosa mestra e Sandra a súa axudante.



Nesta foto vemos a Belén facendo unha demostración dun peiteado rápido para un pelo corto e tomou como maniki a, Julia, unha das asistentes o Obradoiro.
 
 
 

Comenza o Obradoiro de Estética do Banco de Tempo de Vimianzo



Xa comezou o novo Obradoiro que está a levar a cabo o Banco de Tempo do Concello de Vimianzo. A temática abordada nesta ocasión foi o coidado do corpo, hoxe en día moi demandado tanto por mulleres como por homes, mediante un obradoiro que engloba varios campos da estética.



O Obradoiro tivo lugar no Edificio de Servicios Múltiples de “A Torre” e recordar a todos que a metodoloxía seguida nesta ocasión foi a empregada nos cursos os que estamos acostumados a asistir, a diferencia do Obradoiro de Cociña, que rompeu con tódalas formas de apredinzaxe actuais.



A mestra, Ana Belén Calo Chamadoira, preparou unha posta en escena excelente mediante unha ambientación da aula con temas de estética e perruqueria, algo que chamou moito a atención as asistentes que foron un total de 21 e de idades moi separadas.




Esta é Belén a nosa mestra


Previamente fíxose unha colocación da aula na que se realizou o Obradoiro para dar un ambiente de perruqeria.



Este primeiro día dedicouse a explicar as diferentes formas que hai de facer unha limpeza e preparación da pel para o posterior maquillaxe, xa que según Belen, a pel necesita moitos coidados previos para que o noso maquillaxe luza perfecto e dure máis tempo. Para elo estudiou a pel de cada unha das asistentes e explicou como seria a preparación da mesma dependendo do tipo de pel que teñamos.


Nesta foto podeser ver unha das técnicas de limpeza da pel que explicou Belén

A continuación e unha vez feitas tódalas aclaracións oportunas por parte da mestra procediuse a facer o que seria unha maquillaxe de festa en dous tipos de cara diferentes, xa que como dixo Belén, non hai unha maquillaxe única senón que se ten que adaptar a nosa cara para resaltar as nosas virtudes e ocultar os nosos defectos. E tamén dou varios consellos e trucos da súa colleita para que nos fose máis doado poñernos guapas na nosa casa.


Nesta foto vemos a Belén durante a explicación das cores empregadas nun dos maquillaxes

Na vindeira xornada seguiremos con demostración de maquillaxe de día e unha forma que se lle ocurriu a Belén de as alumnas se animasen a participar activamente do curso foi que escribisen nun papel o que a cada unha lle gustase aprender neste obradoiro e se a duración do obradoiro o permite daralle resposta a todas elas. É unha boa forma de romper o xeo nesta primeria xornada e non é de esperar menos ante unha profesional coma a que temos de mestra.




E nesta última foto vemos o grupo completo de asistentes o Obradoiro
 
 
 

Intercambios individuais no Banco de Tempo do Concello de Vimianzo




As actividades que ata o momento se realizaron no Banco de Tempo do Concello de Vimianzo leváronse a cabo en grupo e individualmente non tivera lugar ningún intercambio pero a semana pasada comezaron a impartirse as clases de informática personalizadas.


As sesións tiveron lugar no Telecentro o venres en horario de tarde e o sábado en horario de mañá e impartíronse por dúas mestras tituladas: María José Villaverde Carballo e Natalia Corbelle Romero.


Por parte dos integrantes do Banco de Tempo, as usuarias beneficiadas foron Paquita e Flora, as dúas solicitaron dende un primeiro momento formación básica en informática e resolución de dúbidas puntuais neste campo e a cambio darán ó banco un taller de labores do fogar (costura, bordado, calceta, etc.) que aínda non ten datas fixadas pero xa se están concretando as liñas xerais.


Polo que se refire as mestras decidíronse a impartir estás clases de informática xa que teñen interese en ampliar os seus coñecementos en estética e como o Banco de Tempo está a organizar un obradoiro con esta temática animáronse a facerse usuarias do mesmo.


Estes intercambios individuais de informática seguiranse realizando o longo de todo o mes de marzo no mesmo horario e todas aquelas persoas que o desexen poderanse beneficiar dos mesmos, solo teñen que poñerse en contacto coa axente de tempo do Concello.






Nestas fotos vemos a Natalia ensinando a Paquita



Nesta foto vemos a María José ensinando a Flora




Nesta última fotografia vemos a Natalia ensinando a Manuela
 
 
 

Obradoiro de Estética do Banco de Tempo de Vimianzo



Os tempos están a cambiar e os Bancos de Tempo axudan a que estes novos cambios sexan máis doados e a aprender a empregar a súa metodoloxía para formarnos en campos que sempre nos gustou facelo e non puidemos.


O Banco de Tempo do Concello de Vimianzo ten previsto realizar un Obradoiro de Estética e Bancos de Tempo os días 23 e 30 de Marzo e 6 e 13 de Abril as 21:00 h no Edificio de Servicios Múltiples “A Torre”. O curso impartirase por unha profesional de perruquería e estética, María Belén Calo Chamadoira (Belén de Padreiro), perruqueira e esteticista de profesión e ademais usuaria do Banco de Tempo.


Aproveitando que temos unha usuaria con estes coñecementos decidimos poñer en marcha este curso para que o resto de persoas asociadas ó Banco de Tempo teñan a oportunidade de sacarlle o maior partido posible a súa imaxe persoal. Neste obradoiro abarcaranse os seguintes contidos:

· Técnicas de maquillaxe.

· Manicura.

· Peiteados.

· Varios trucos de beleza personalizados.


A metodoloxía neste obradoiro será a seguida nos bancos de tempo, recordamos as persoas interesada que está baseada no intercambio de tempo, dar é recibir horas do noso tempo, retroalimentándonos uns dos outros e das outras cos diferentes coñecementos demandados e ofertados.


As inscricións realizaranse no Servizo de Emprego e Desenvolvemento Local do Concello de Vimianzo en horario municipal, no Telecentro ou no número de tlf. 981.716.001.



 
 
 

O LOGO DO BANCO DE TEMPO DO CONCELLO DE VIMIANZO

Como ben é sabido por todos e todas os logos son unha forma de dar a coñecer unha Institución empregando tan solo unha imaxe e como “unha imaxe vale máis ca mil palabras”, no Banco de Tempo do Concello de Vimianzo aventurámonos a crear o noso propio logo.


Despois de moito pensar e intentar atopar unha imaxe que se adecuase o máis posible ó que representan os Bancos de Tempo escapando do típico reloxo, empregado xa na maioría dos bancos, ocorréusenos a idea de que o noso logo fose unha axenda .


As axendas tamén son unha forma de representar o tempo e todos e todas estamos acostumados a empregar co cal seria unha boa forma de representar o noso Banco do Tempo e que fose identificado con esta imaxe que vos mostro a continuación:







En canto as cores do logo decantámonos polo morado e polo verde por dúas razóns fundamentais:


1. En todo o relacionado co Departamento de Emprego e Desenvolvemento Local do Concello empregamos tonos verdes.



2. Por outra banda, o morado é a cor da muller e da igualdade, este último valor está fomentado polos Bancos de Tempo.


Dende o equipo de xestión do Banco de Tempo de Vimianzo esperamos que sempre se nos identifique con este logo que elaboramos con tanta ilusión.








 
 
 

Equipo de Xestión do Banco de Tempo do Concello de Vimianzo

No Concello de Vimianzo o Banco de Tempo está xestionado directamente pola axente de tempo, Laura Castiñeira Vilariño, e ademais conta co apoio técnico do equipo de profesionais que constitúe o Servizo de Emprego e Desenvolvemento Local. Este equipo está integrado por:

  • Rosa María Sánchez Martínez , Técnica Local de Emprego e Xefa do Servizo.
  • Evaristo Suárez Corzón , Axente de Emprego e Desenvolvemento Local.
  • Ivanna Vidal Domínguez , Auxiliar da OMIC
  • Lorena Cernadas Soto , Administrativa-Informática
  • María José Villaverde Carballo , Titora de Formación e Inserción do Programa Experimental de Emprego.
  • Natalia Corbelle Romero, Monitora de Formación e Inserción do Programa Experimental de Emprego.

A existencia dun equipo multidisciplinar permite o enriquecemento do traballo da axente de tempo a hora da elaboración e desenvolvemento de proxectos para os seus usuarios e usuarias. Aproveitando as facetas que cada un deles esta a levar a cabo dentro do departamento.



Nesta foto aparecen por orden de arriba a abaixo e de esquerda a dereita: Natalia Corbelle, Ivanna Vidal, Evaristo Suárez, María José Villaverde, Laura Castiñeira e Rosa Sánchez.



Nesta foto aparece Laura Castiñeira, Axente de Tempo do Concello, con Lorena Cernadas, Informática do Concello, que colaborou activamente na creación deste blog.




 
 
 

Obradoiro de Cociña do Banco de Tempo do Concello de Vimianzo

Dende o equipo de xestión do Banco de Tempo xorde a necesidade de dar un paso máis no seu plan de actuación, unha nova forma de darlle un impulso ó proxecto para espertar máis a curiosidade entre a veciñanza do concello.


Entón decidimos poñer en marcha un peculiar obradoiro no que as persoas que participasen estarían funcionando ca metodoloxía dos bancos de tempo sen darse conta, é dicir, unha vivencia de banco de tempo. Agora solo restaba saber de que sería mellor facer este obradoiro, algo que de verdade necesitasemos e que todos puidesemos participar por igual.


Pensamos que a cociña seria un bo tema, xa que podería chamar a atención das diferentes idades, a xente nova acudiría para aprender e a xente de mediana idade para ensinar, sería unha boa forma de levar a cabo un intercambio interxeracional .


¿En qué consiste este Obradoiro?

Este taller é diferente a todos os que estamos acostumados a realizar, xa que non vai estar impartido por un especialista na materia senón que se trata dun intercambio de coñecementos entre os participantes, dos cales as súas artes culinarias parten do día a día, é dicir, todos pasaremos polo dous roles: o de alumno e o de docente.


Polo cal tódolos asistentes deberán formar parte activa do obradoiro ofrecendo a elaboración dunha receita culinaria da súa colleita e a cambio recibiran a ensinanza das receitas dos demais participantes. Aquelas persoas que non teñan coñecementos de cociña e queira participar no obradoiro poderán aportar outro tipo de colaboración no mesmo, que será indicada pola axente de tempo (pinche, fotografía, pasar as receitas a ordenador, etc.).


O Taller de Cociña realizarase os días 11, 18 e 25 de Febreiro e 4, 11, 18 e 25 de Marzo as 20:15 no Salón Parroquial de Castromil (Salto) e será GRATUÍTO. O remate da xornada degustaranse os pratos elaborados.





Actualmente o número de asistentes é de 32, é son todos moi participativos e xa se están observando os primeiros nexos de amizade entre os usuarios que era unha das misións que se pretendía acadar con este orixinal obradoiro. Así mesmo, non tiveron ningún problema no reparto das tarefas para que no taller non faltase de nada.


Nesta foto podemos ver os usuarios e as usuarias do Banco de Tempo que están a participar no Obradoiro de Cociña.

Tamén cabe destacar que os menús que a xente foi achegando son moi variados e dan pé a elaboración dun receitario con pratos típicos da zona. Ordenados cronoloxicamente os menús que se poderán degustar son os seguintes:


11/02/2009: Crema de Cabaza
Luras na súa salsa
Flan de café
Os tres pratos do primeiro día do obradoiro

Efectuando o pago das horas recibidas cos cheques

18/02/2009: Filloas

Bolos do Pote
Orellas
Os tres pratos do día adicado ó antroido

25/02/2009: Bacallao ó pil-pil
Paella
Chulas
Fotos dos tres pratos

04/03/2009: Pizza de atún
Carne asada
Galletas de nata
Foto do tres pratos
Equipo de cociña de Tufións encardo da elaboración das receitas dese día: Magdalena, Mª Cruz, Pilar, Carlota e María

A super pizza de atun


11/03/2009: Polo con setas

Pescada en salsa verde
Crema de iogur
Torta de chocolate con noces
As tres cociñeiras: Estrella, Bielca e Lore

Os tres pratos

18/03/2009: Filetes de Rosada a cazola


Raxo con champiñóns


Torta de Améndoas

Os tres pratos xuntos




Duas cociñeiras: Sara e Mª Carmen

E a outra cociñeira: Teresa

Manolo cortando o pan

25/03/2009: Quitché de allo porro


Rabillo de tenreira


Pastas de té





Nesta foto vemos a algunhas das participantes do obradorio atendendo as explicacións da elaboración das pastas de té


O último día sentámonos a mesa para celebrar o éxito desta actividade

Esperamos que este Obradoiro sexa o principio de moitas outras actividades que se podan levar a cabo dende o Banco de Tempo e chamamos a tódolos veciños e veciñas a participar deste gran proxecto.

Tódalas persoas interesadas poden acudir o concello para poñerse en contacto coa axente de tempo Laura Castiñeira Vilariño ou no número de telefóno 981 716 001 ou tamén no enderezo de electrónico bancodotempo_vimianzo@hotmail.es


 
 
 

Os inicios do Banco de Tempo do Concello de Vimianzo

O Banco de Tempo do Concello de Vimianzo comezou a súa andaina o pasado mes de setembro da man da súa axente de tempo, Laura Castiñeira Vilariño, coordinada polo Servizo de Emprego e Desenvolvemento Local do Concello.


Nun primeiro momento procedeuse a elaboración dunha serie de documentos iniciais, como son as normas de obrigado cumprimento e outros protocolos necesarios para que non haxa ningún problema a hora de que o Banco de Tempo funcione axeitadamente.


Despois da elaboración destes documentos pasouse a unha nova fase deste proxecto que consistiu en dar a coñecer a medida a toda a cidadanía do Concello, para realizouse un diagnóstico previo das necesidades que se observaban entre os veciños e as veciñas do municipio.


Este estudio extendiuse por varios ámbitos, como eran os distintos estratos sociais, as estatísticas da poboación, os servizos do Concello, as asociacións ou a economía entre outros. A partires do cal creouse un plan de divulgación e actuación para que esta medida chegase a tódolos recunchos do Concello.


Entón, unha vez decidido como se vai encamiñar o proxecto dos Bancos de Tempo no Concello de Vimianzo, deseñouse unha boa estratexia de publicidade para espertar a curiosidade ante esta novedosa e descoñecida medida por parte do maior número de persoas posibles.


Unha das ferramentas empregadas para dar a coñecer o Banco de Tempo foron os dípticos elaborados pola propia axente de tempo, nos que se recolle información moi detallada e de forma sinxela sobre todo o que é necesario para o seu entendemento.





Outra forma de achegarse a poboación foi mediante a realización de diversas charlas polos distintos núcleos de poboación do Concello, para a maior facilidade de realización destas presentacións a axente tempo, fixo unha labor de actualización das asociacións do Concello, de tal xeito que a maioría delas lle brindaron a posibilidade de facer presentacións ante os seus socios.


Así mesmo no Concello de Vimianzo lévanse a cabo un gran número de actividades para nenos, nenas e maiores as cales tamén foron visitadas pola axente de tempo para presentarlles este proxecto, así o número de persoas que coñecen a medida vai medrando día a día.


 
 
Página 1 de 1. Total : 16 Artículos.