Blog dos Bancos de Tempo da Costa da Morte

Coñece que son os Bancos de Tempo e que poden facer por ti!

Zas

 

BALANCE DO BANCO DE TEMPO DE ZAS


Trala implantación durante 9 meses do Banco de Tempo de Zas, acadaronse os seguintes resultados:

- Nº de persoas adscritas : o Banco de Tempo conta neste momento con 23 persoas adscritas, cuia media de idade ronda os 38 anos. Deles:
  • Mulleres: 15.
  • Homes: 9
- Tipo de intercambios : grupais e individuais.

  • Curso de masaxes: con 12 asistentes.
  • Escola de teatro para adultos: 9 participantes.
  • Curso de primeiros auxilios: 9 asistentes.
  • Intercambio de coñecementos sobre o coidado da horta.
  • Acompañar a unha persoa maior a pasear.
  • Ensinar nocións básicas de informática.
  • Axuda cas tarefas do banco de tempo.

- Nº total de intercambios :

  • Grupais: 12
  • Individuais: 7

- Nº de horas totais intercambiadas : 27

Moitas grazas a todos aqueles que están participando de forma activa neste proxecto!

 
 
 

REUNIÓN DE USUARIOS DO BDT DE ZAS


O pasado venres, tivo lugar en Zas unha reunión de usuarios do Banco de Tempo. Ainda que nestes momentos o banco conta con 23 usuarios, a dita reunión acudiron e metade deles.

O obxectivo desta xuntanza era que a xente apuntada o banco se coñecese entre si, e, para elo, xuntouse as persoas por parexas para que fosen falando e preguntandose cousas como: nome, lugar de residencia, porque se apuntaran o banco e que servizos ofrecían e cales demandaban, para, posteriormente, cada un presentar a súa parexa ó resto da clase.



A xuntanza foi todo un éxito pois todos mostraron interés en coñecerse entre sí e estiveron case unha hora falando entre eles. O final da reunión, pola participación activa de todos eles no banco, ofreceronselle uns pinchos durante os cales poideron seguir conversando e creando lazos de confianza.




So darlle as grazas a todos eles por implicarse tanto neste proxecto e animalos a que sigan colaborando como ata agora .

 
 
 

SEGUEN OS INTERCAMBIOS INDIVIDUAIS EN ZAS


Se fai unhas semanas falabamos dun intercambio individual entre 2 homes, desta vez tocanos falar de intercambios entre mulleres.

O primeiro deles tivo lugar entre unha asistente o curso de masaxes e a sogra da muller que impartiu este. Isabel, a docente do curso, pedía que alguén acompañase a súa sogra invidente a pasear, e, unha vez rematado dito curso, varios dos asistentes se ofreceron a facer este servizo, a primeira en levalo a cabo foi Verónica. Aquí a vemos paseando coa señora:


O 2º intercambio do que falaremos tamén foi a consecuencia dunha petición de Isabel, ela quería que lle ensinasen algunha noción de informática, pois non sabe andar moi ben co ordenador, por eso, outra das asistentes do curso se ofreciu a elo. Esta semana quedaron 2 días durante 2 horas para ir comezando a aprender como usar un ordenador a nivel usuario. Nestas fotos vemolas durante o 1º día do intercambio:





Como vemos, pouco a pouco, a xente vai collendo confianza entre sí e animandose a facer intercambios individuais. Ademais, os que así o están a facer mostranse moi satisfeitos. Polo tanto, agradezo a aqueles que deron o primeiro paso e animo ó resto a levalos a cabo.



 
 
 

FINALIZOU O CURSO DE PRIMEIROS AUXILIOS



O pasado luns 27 e martes 28 de xullo, tivo lugar, no centro sociocultural de Zas o curso de primeiros auxilios do Banco de Tempo de Zas. A él asistiron 9 persoas que se mantiveron atentas as ensinanzas da mestra, Raquel, usuaria do Banco e enfermeira de profesión.

O primeiro día adicouse a coñecer como actuar en caso de que unha persoa sufra un desmaio repentino ou quede inconsciente, ensinandonos aspectos como a posición lateral de seguridade, o masaxe cardíaco (RCP reanimación cardiopulmonar) ou a técnica do boca a boca.





O segundo día xa se referiu a aprender como actuar ante situacións máis cotiás como poden ser: queimaduras, atragantamentos, cortes ou feridas, hemorraxias ou cando se introduce un obxecto estrano nun ollo ou oído. Así como tamén nos ensinou cales eran as cousas necesarias dun botiquín e cales as innecesarias. Ó final, volvemos a repetir as pautas básicas a seguir ante unha persoa desmaiada ou inconsciente e os alumnos poideron practicar de novo a forma correcta de facer a reanimación cardiopulmonar e o boca a boca.






Os asistentes o curso quedaron moi satisfeitos coas explicacións da mestra, polo tanto só nos queda agradecer a esta o seu ofrecemento gratuito para compartir estas horas connosco
.


 
 
 

CURSO DE PRIMEIROS AUXILIOS CO BANCO DE TEMPO DE ZAS





O Banco de Tempo de Zas pon en marcha un novo curso, desta vez tratase dun curso de primeiros auxilios.

Esta actividade desenvolverase no centro sociocultural de Zas e levarase a cabo o luns 27 e o martes 28 deste mes de 20:00 a 22:00 horas.

Como todalas actividades impulsadas dende o Banco de Tempo este curso será impartido por unha usuaria do Banco e será de carácter gratuito.

A xente interesada en apuntarse so ten que chamar o teléfono do Concello: 981.70.83.03 ou acudir persoalmente as nosas oficiñas.


O prazo de inscripción pechase esta semana.

 
 
 

BOLETÍN DE SERVIZOS DO BANCO DE TEMPO DE ZAS


BOLETÍN DE SERVIZOS DO MES DE XULLO :

SERVIZOS OFERTADOS:

  • Conversa en francés, inglés ou portugués.
  • Axuda cas tarefas escolares.
  • Axuda ca limpeza.
  • Iniciación á informática.
  • Clases de buzeo.
  • Axuda para facela compra.
  • Coidado puntual de nenos e nenas ou maiores.
  • Ensinar a facer masaxes.
  • Ensinar debuxo técnico.
  • Acompañar ou falar cun maior.
  • Acompañar ao médico.
  • Acompañar a navegar.
  • Reformas puntuais de carpintería, cerrallería ou electricidade.
  • Axuda para facer recados.
  • Desprazamentos puntuais en coche.
  • Ensinar a calcetar.
  • Ensinar a palillar.
  • Ensinar a facer unha horta ou xardín.
  • Teatro.
  • Dar masaxes.
  • Ensinar primeiros auxilios.
  • Ensinar coidado bucal para nenos.
  • Axudas de índole administrativa: redacción de textos legais ou administrativos, normalización lingüística: tradución de textos ó galego, axuda na creación do currículum vitae, levar documentación e presentala nunha oficina pública, axuda para cubrir impresos a ordenador, orientación laboral.



SERVIZOS DEMANDADOS:

  • Acompañamento de persoas maiores para pasear.
  • Ensinar como se fai unha horta ou xardín.
  • Nocións básicas de informática.
  • Compañía para xogar as cartas ou o xadrez.
  • Aprender a dar masaxes.
  • Teatro.



 
 
 

2ª REUNIÓN DA ESCOLA DE TEATRO



O pasado sábado 4 de xullo tivo lugar a segunda reunión da escola de teatro para adultos impulsada polo Banco de Tempo de Zas. Nesta ocasión acudiron todalas persoas apuntadas na iniciativa, polo que se puderon coñecer mellor e ir collendo confianza entre elas.

Neste segundo día os alumnos comezaron a barallar xunto co profesor algunhas obras para poder representalas a finais de ano. Comezan forte estos aprendices, pois nas seguintes sesións xa comezarán a practicar algunha que outra escea.

Ainda que ata agora a actividade se estivo a facer no auditorio de Zas, as próximas sesións e ata outubro realizaranse no auditorio de Baio, pois este quedalle máis cómodo aos asistentes. Ainda así as clases seguirán sendo as 12:00.


 
 
 

REMATOU O CURSO DE MASAXES


O venres pasado rematou o curso de masaxes do Banco de Tempo de Zas. Desta volta a sesión impartiuse na casa de Isabel, así non había restriccións temporais, polo que os asistentes puderon ver os temas que quedaran sen dar en sesións anteriores disfrutando dun clima moi acolledor.

En primeiro lugar todos pasaron pola camilla podendo disfrutar dunha masaxe integral.


Despois chegou o turno das arcillas e a aromaterapia:



E ata tiveron a oportunidade de probar distintos aparatos de masaxe cos que conta Isabel na súa casa, aínda que deso non temos foto.

Despois de varias semanas compartindo experiencias, este intercambio grupal chega o seu fin. So queda darlles as gracias a todos os que participaron del acudindo con regularidade a cada sesión, e por suposto a Isabel, que fixo posible este intercambio de coñecementos tan enriquecedor para todos.

Aquí unha foto dalgúns dos que participaron neste intercambio

 
 
 

COMEZA A ESCOLA DE TEATRO




O pasado sábado comezou a escola de teatro do Banco de Tempo de Zas. Foi Pablo, do grupo Badius de Baio, máis coñecido como Pibe, o encargado de compartir o seu tempo co resto dos usuarios do noso banco.

Posto que ese día non poideron asistir todolos participantes apuntados nesta iniciativa, a primeira sesión adicouse a coñecer os que sí estaban e a ver algunhas das obras que poderán comezar a practicar grazas as ensinanzas do profesor. Este sábado reunirase o grupo completo e poderase empezar a concretar detalles para intercambiar coñecementos sobre o arte da escea.

Ainda que nun principio as clases estaban pensadas para os mércores ás 20:00, debido a dispoñibilidade da xente que se anotou, a partir de agora, terán lugar todolos sábados as 12:00 no auditorio de Zas.


 
 
 

1º INTERCAMBIO INDIVIDUAL NO BANCO DE TEMPO DE ZAS



O pasado venres tivo lugar o primeiro intercambio individual no Banco de Tempo de Zas. Aquilino e Miguel foron os protagonistas. O primeiro demandaba intercambiar coñecementos de como se coida unha horta ou xardín e ó segundo encantalle todo o relacionado con este tema, ambos se coñeceron no curso de masaxes impartido polo noso banco, así que se puxeron de acordo en quedar un día para intercambiar coñecementos.


E así o fixeron, na tarde do venres, antes de acudir ó curso, reunironse unha hora e estuveron falando e explicando a forma de facer de cada un, ata se moveron ata unha horta para que a explicación fose máis axeitada.


Os dous quedaron contentos do intercambio e notase que, grazas á sua asistencia regular ó curso de masaxes, xa se forxaron lazos de confianza entre eles.



 
 
 

REIKI, 5º TALLER DO CURSO DE MASAXES DO BDT DE ZAS


A semana pasada tivo lugar o 5º taller do curso de masaxes que Isabel, unha das usuarias do noso Banco de Tempo, está a impartir en Zas. Dito taller estivo dedicado ó reiki: unha terapia enerxética que se fai mediante imposición de mans tocando suavemente ó corpo.



Como no resto dos talleres, o nivel de asistencia foi alto, pero todos puderon pasar pola camilla tanto para poñer en práctica as explicacións de Isabel como para recibir este masaxe por parte dos compañeiros.



Este iba a ser o último taller deste singular curso de masaxes, pero debido ó interese mostrado polos participantes, decidimos alongalo 2 días máis. Polo tanto, os próximos venres 19 e 26 de xuño faremos un repaso do visto ata o de agora e os asistentes poderán poñer en práctica todo o aprendido mediante a realización de masaxes integrais.


 
 
 

NOVA ACTIVIDADE DO BANCO DE TEMPO DE ZAS



Non paramos no Banco de Tempo de Zas. Nesta ocasión ofrecemoslle á veciñanza a posibilidade de anotarse nunha " escola de teatro para adultos " de forma totalmente gratuita.

En caso de conseguir un grupo mínimo de persoas, sería Pablo, un dos socios da asociación xuvenil Badius de Baio o encargado de compartir o seu tempo impartindo estas clases, que terían lugar tódolos mércores ás 20:30 da tarde no auditorio de Zas.

O prazo de inscrición xa está aberto

As persoas interesadas en apuntarse poderán facelo acudindo personalmente ás oficiñas do Concello ou chamando ó número de teléfono 981.70.83.03 en horario de 9:00 a 15:00.

Tamén poderedes poñervos en contacto comigo a través da seguinte dirección de correo electrónico: bancodetempo_zas@hotmail.com.



 
 
 

REFLEXOTERAPIA PODAL NO BANCO DE TEMPO DE ZAS


Seguen os talleres do curso de masaxes do Banco de Tempo de Zas, nesta ocasión tratouse de reflexoterapia, ou, para que se entenda mellor, de terapia de pes.

A sesión comezou cunha explicación práctica sobre a masaxe de pernas, posto que as semanas anteriores so viramos como se masaxeaba da cintura para arriba, esto axudounos a ter unha perspectiva de como se pode dar unha masaxe integral.



Un pouco de teoría:

A reflexoterapia é unha disciplina que, mediante presións en puntos concretos das plantas dos pes, conecta con todolos nosos órganos. É dicir, todolos órganos se representan en puntos concretos do noso pe, como se se tratase dun mapa. Se o presionar nas zonas reflexas da planta do pe se experimenta dor, significa que algo vai mal nese órgano, por eso a reflexoterapia podal actúa como un bo sistema preventivo de enfermedades así como un excelente relaxante.




Así, despois de que os asistentes puxesen en práctica a masaxe de pernas comentado anteriormente (como vemos na foto), Isabel comezou a explicar de forma teórica-práctica a reflexoterapia ou reflexología podal, tocando nos pés de cada un dos asistentes os puntos relacionados con cada parte do corpo.




Unha vez máis, os asistentes, entre os que xa existen vínculos de confianza e complicidade, quedaron moi satisfeitos cas explicacións de Isabel.

O próximo taller deste curso versará sobre Reiki (ou masaxe enerxético) e, ainda que nun principio estaba pensado para este venres 5, finalmente terá lugar o venres 12 de xuño.

Pese a que co Reiki tiñamos pensado acabar este curso de masaxes, posiblemente os talleres se alonguen uns días máis, pois os asistentes están moi contentos co curso e notan que as horas se lles fixeron curtas para poder aprender todo o que lles gustaría.

 
 
 

TERAPIA SACRO CRANEAL, 3º TALLER DO CURSO DE MASAXES


O pasado venres, 22 de Maio, tivo lugar en Zas o 3º taller do curso de masaxes do Banco de Tempo, que nesta ocasión versou sobre a terapia sacro craneal ou craneo sacral.

O sistema sacro-craneal é un sistema contido dentro dunha membrana que envolve o cerebro e o cordón espiñal e que ten como función a producción, circulación e reabsorción do fluido cerbroespiñal. Nesta membrana hai un continuo subir e baixar da presión dese fluido e o pulso dese fluido é, o igual que o latido do corazón e a respiración, transmitido a todolos texidos e estruturas do corpo como un movemento involuntario e espontáneo con ritmo determinado. Cando encontramos movemento desequilibrado, indica que as funcións normales do corpo poden estar en conflicto e polo tanto podense desenvolver síntomas. Polo tanto, o obxectivo do terapeuta sacro craneal é avaliar e tratar este sistema da forma menos intrusiva posible, usando pouca forza na palpación e tratamento, axudando ó corpo a restablecer un movemento equilibrado.


Isabel Lagoa puxo en práctica ese tratamento cos participantes, por eso vemos nas fotos como se sentaron a escoitar esas fluctuacións primeiro nos pés e despois na cabeza, para máis tarde dar paso a un tipo de masaxe relaxante nesas zonas.



Unha vez máis este taller volviu a ter o acollemento e satisfacción esperados, e os asistentes están desexando volver a encontrarse o próximo venres na seguinte sesión, que será sobre reflexología podal.

 
 
 

2º TALLER DO CURSO DE MASAXES


"INICIACIÓN A TÉCNICAS DE MASAXE II", así levou por título o segundo taller do curso de masaxes do Banco de Tempo do noso Concello que se celebrou o pasado venres 15 de maio. Desta tanda a temática versou sobre o uso de arcillas, plantas medicinais e aromaterapia.

Nestas fotos vemos a Isabel explicando o uso das arcillas e de distintas prantas


Empezamos retomando a temática do día anterior e falando dalgúns puntos do corpo bastante importantes que quedaran sen mirar, seguidamente Isabel Lagoa, comezou a explicar as propiedades dalgunhas plantas que a maioría de nos temos na casa e non sabemos para que poden valer e o ben que nos poden facer ante determinadas situacións e finalmente explicou tamén o uso das arcillas para xa despois deixar paso a parte práctica (ca que máis disfrutan os asistentes) e permitir que os voluntarios se fosen poñendo na camilla.




O nivel de asistencia e participación foi o mesmo ca semana pasada, todos quixeron repetir despois da boa experiencia do día anterior. Así que, de novo (como dixemos antes), un por un, despois de oir as explicacións teóricas de Isabel, foron pasando pola camilla e poñendo en práctica os novos coñecementos.


Os asistentes ó curso practican o aprendido



Cabe dicir, que nesta sesión non dou tempo a explicar todo o que se tiña programado, xa que debido a que o tempo de hora e media se nos queda corto, faltou por dar a parte de aromaterapia, e de feito os asistentes xa se están comezando a plantexar se alargar o curso uns días mais.


 
 
 

COMEZA O CURSO DE MASAXES DO BDT DE ZAS



O pasado venres, 8 de Maio, tivo lugar o primeiro taller do curso de iniciación a técnicas de masaxe e terapias alternativas do Banco de Tempo de Zas.

Este taller consistiu nunha primeira iniciación as técnicas de masaxe, contemplando aspectos como: cales son os puntos clave do corpo, que formas de masaxe hai ou que aceites e cremas se poden usar para dar masaxes.

A él asistiu un grupo de 12 persoas, xa que, ainda que nun primeiro momento se pensaba facer dous turnos, un en horario de 18:00 a 19:30 e outro de 21:00 a 22:30, finalmente decidiuse quedar co ultimo grupo, porque á maioría da xente lle viña mellor esa hora.

Posto que a encargada de impartir o curso estaba máis interesada en que os alumnos visen máis a parte práctica que a teórica, cada asistente foi pasando pola camilla voluntariamente e pudo ser tanto "masaxeador" como "masaxeado". Esta primeira toma de contacto serviu para que,
a medida que se desenvolvía o taller, os asistentes foran forxando lazos de confianza.

E así foi, conseguiuse crear un ambiente cálido e acolledor, xa que todolos asistentes marcharon cun bo sabor de boca e un pouco mais relaxados, valorando esta primeira sesión de forma positiva e desexando repetir o próximo venres.



Aquí vemos a Isabel explicando nocións básicas sobre técnicas de masaxe.



Un dos asistentes masaxea a outro tras a explicación de Isabel.


Os alumnos observan como Isabel masaxea a unha das asistentes.




 
 
 

CURSO DE MASAXES CO BANCO DE TEMPO DE ZAS


O Banco de Tempo do Concello de Zas comeza os intercambios grupais cunha interesante proposta:

CURSO DE INICIACIÓN A TÉCNICAS DE MASAXE E TERAPIAS ALTERNATIVAS.



Unha das usuarias do banco de tempo, Isabel Lagoa, será a encargada de impartir este curso, que contará de 5 talleres de hora e media cada un:

1- Iniciación a técnicas de masaxe I: aquí farase unha breve introducción ó tema, explicarase quen pode e quen non pode levar masaxes, cales son os puntos claves do corpo...

2- Iniciación a técnicas de masaxe II:
  • Aromaterapia.
  • Uso de arcillas.
  • Plantas medicinais.
3- Terapia sacrocraneal: explicarase de que son consecuencia os distintos dores de cabeza, dandose alternativas de masaxe para poder tratar cefaleas, migrañas...

4- Reflexoterapia: hidroterapia de pes.

5- Reiki: masaxe enerxético.

O curso está aberto a toda aquela xente interesada. Levarase a cabo no centro sociocultural de Zas os venres 8, 15, 22 e 29 de maio e o 5 de xuño e os participantes poderán elixir se asistir en horario de 18:00 a 19:30 ou de 21:00 a 22:30 .

As persoas interesadas en anotarse poderán facelo acudindo as oficiñas da planta baixa do Concello en horario de 9:00 a 15:00.

O prazo de inscrición remata o 6 de maio.


Por outra banda, como axente de tempo, sigo dando a coñecer o banco entre os veciños. Os últimos en recibir a miña visita foron os alumnos do obradoiro de emprego de Zas e as asociacións de veciños de Gándara e Meanos.

Aquí vos deixo as fotos con eles.











 
 
 

OS SERVIZOS DO BANCO DE TEMPO DE ZAS


O Banco de Tempo do Concello de Zas conta xa con 8 socios dispostos a compartir o seu tempo.

Malia que polo de agora a xente se anima mais a prestar que a recibir servizos temos ofertas e demandas variopintas, que vos paso a comentar.


SERVIZOS OFERTADOS:

- Ensinar a facer masaxes.
- Acompañar ou falar cun maior.
- Reformas puntuais de carpintería ou cerrallaría.
- Axudas de índole administrativa.
  • redacción de textos legais ou administrativos.
  • servizo de normalización lingüística: traducción de textos ó galego.
  • axuda na creación do curriculo vitae.
  • levar documentación ou presentala nunha oficina pública.
  • axuda para cubrir impresos a ordenador.
  • orientación laboral.
- Axuda para facer recados.
- Desprazamentos puntuais en coche.
- Ensinar a calcetar.



SERVIZOS DEMANDADOS:

- Acompañamento de persoas maiores para pasear.
- Ensinar como se fai unha horta ou xardín.
- Nocións básicas de informática.
- Compañía para xogar as cartas ou o xadrez.
- Masaxes.




Así que xa sabedes, se estades interesados nalgún dos servizos ofertados ou credes que vos poderiades ofrecer algún dos que se demandan, non perdades tempo e acudide as oficiñas do Concello de Zas, na planta baixa, alí poderedesvos apuntar nesta interesante iniciativa.


 
 
 

Seguimos coa divulgación


Durante estas semanas o Banco de Tempo de Zas seguese a dar a coñecer entre os veciños. Nos ultimos dias asistin ós cursos que se están a impartir no noso concello para explicar a xente que ainda non coñece a iniciativa de que se trata.

Así, puiden presentar este novo servizo os participantes dos cursos de: costura básica, bordado, cociña, ximnasia, cestería e manualidades. O fin é que a xente se vaia familiarizando co concepto e polo menos sepa que cando o precise ten unha boa alternativa para requerir ou ofrecelo seu tempo.

Proximamente acudirei os cursos que me faltan asi como o obradoiro de emprego de Zas. Tamen sigo en contacto coas asociacións para saber se están interesadas e, de ser asi, que me concreten unha data na que quedar cos seus socios.

Aquí vos deixo as fotos coa xente dos cursos de bordado e cociña en Zas e manualidades en Baio:






 
 
 

BOA ACOLLIDA PARA O BANCO DE TEMPO DE ZAS



O que segue é unha nota de prensa publicada nalgúns xornais a finais de febreiro:

O Banco de Tempo do Concello de Zas xa comezou a ofertar a súa axuda entre os veciños encontrando unha resposta excelente con varias persoas inscritas e unha asociación interesada.


O Banco de Tempo actuará como coordinador para que as persoas interesadas poidan intercambiar axudas e coñecementos en tarefas tan dispares como: dar e ensinar masaxes, reforma puntual de carpintería ou cerrallaría, facer recados ou conversar cun maior e axuda para xestións administrativas.


A xestora do Banco de Tempo, Sonia Ramos Lema, tamén informa que os servizos máis demandados en Zas son os de acompañamento de maiores para pasear, nocións básicas de cómo usar un ordenador ou ensinar como facer unha horta ou xardín.


Actualmente o Banco de Tempo atópase en fase de darse a coñecer entre a poboación do Concello, polo que se enviaron trípticos as casas, colgáronse carteis en edificios públicos e séguense a realizar presentacións aos cidadáns, pero continuanse deseñando accións de difusión para que a iniciativa de axuda veciñal sexa todo un éxito.


Para poder arrincar o proceso de difusión e inscrición de veciños, a axente de tempo Sonia Ramos tivo que crear a normativa de funcionamento e a documentación para un axeitado funcionamento do servizo.



Para máis información poden chamar o número de teléfono 981.708.303 e preguntar por Sonia Ramos Lema, Axente de Tempo do Concello de Zas.



 
 
Página 1 de 2. Total : 23 Artículos.